Sunday, April 10, 2011

I Memorize sAmaveda Agni Mantras Homestretch Time

agna ojiShThamA bhara dyumnamasmabhyamadhrigo  pra no rAye panIyase ratsi vAjAya panthAm .. 81  yadi vIro anu ShyAdagnimindhIta martyaH .
    ac  AjuhvaddhavyamAnuShaksharma bhakShIta daivyam .. 82      tveShaste dhUma R^iNvati divi saM chchhukra AtataH .        sUro na hi dyutA tvaM kR^ipA pAvaka rochase .. 83       tva.N hi kShaitavadyasho.agne mitro na patyase .       tvaM vicharShaNe shravo vaso puShTiM na puShyasi .. 84       prAtaragniH purupriyo viSha stavetAtithiH .        vishve yasminnamartye havyaM martAsa indhate .. 85        yadvAhiShThaM tadagnaye bR^ihadarcha vibhAvaso .        mahiShIva tvadrayistvadvAjA udIrate .. 86        vishovisho vo atithiM vAjayantaH purupriyam .        agniM vo duryaM vachaH stuShe shUShasya manmabhiH .. 87        bR^ihadvayo hi bhAnave.archA devAyAgnaye .        yaM mitraM na prashastaye martAso dadhire puraH .. 88        aganma vR^itrahantamaM jyeShThamagnimAnavam .        ya sma shrutarvannArkShe bR^ihadanIka idhyate .. 89       jAtaH pareNa dharmaNA yatsavR^idbhiH sahAbhuvaH .       pitA yatkashyapasyAgniH shraddhA mAtA manuH kaviH .. 90         soma.N rAjAnaM varuNamagnimanvArabhAmahe .       AdityaM viShNu.N sUryaM brahmAnaM cha bR^ihaspatim .. 91        ita eta udAruhandivaH pR^iShThAnyA ruhan .       pra bhUrjayo yathA pathodyAma~Ngiraso yayuH .. 92        rAye agne mahe tvA dAnAya samidhImahi .      IDiShvA hi mahe vR^iShaM dyAvA hotrAya pR^ithivI .. 93        dadhanve vA yadImanu vochadbrahmeti veru tat .       pari vishvAni kAvyA nemishchakramivAbhuvat .. 94       pratyagne harasA haraH shR^iNAhi vishvataspari .       yAtudhAnasya rakShaso balaM nyubjavIryam .. 95        tvamagne vasU.Nriha rudrA.N AdityA.N uta .        yajA svadhvaraM janaM manujAtaM ghR^itapruSham .. 96        dvitIya prapAThakaH .  prathamo.ardhaH      puru tvA dAshivA.N voche.ariragne tava svidA .       todasyeva sharaNa A mahasya .. 97       pra hotre pUrvyaM vacho.agnaye bharatA bR^ihat .       vipAM jyotI.NShi bibhrate na vedhase .. 98       agne vAjasya gomata IshAnaH sahaso yaho .       asme dhehi jAtavedo mahi shravaH .. 99       agne yajiShTho adhvare devAM devayate yaja .      hotA mandro vi rAjasyati sridhaH .. 100      jaj~nAnaH sapta mAtR^ibhirmedhAmAshAsata shriye .       ayaM dhruvo rayINAM chiketadA .. 101        uta syA no divA matiraditirUtyAgamat .       sA shantAtA mayaskaradapa sridhaH .. 102     IDiShvA hi pratIvyA3M yajasva jAtavedasam .      chariShNudhUmamagR^ibhItashochiSham .. 103      na tasya mAyayA cha na ripurIshIta martyaH .        yo agnaye dadAsha havyadAtaye .. 104      apa tyaM vR^ijina.N ripu.N stenamagne durAdhyam .       daviShThamasya satpate kR^idhI sugam .. 105       shruShTyagne navasya me stomasya vIra vishpate .        ni mAyinastapasA rakShaso daha .. 106        pra ma.NhiShThAya gAyata R^itAvne bR^ihate shukrashochiShe .      upastutAso agnaye .. 107       pra so agne tavotibhiH suvIrAbhistarati vAjakarmabhiH .      yasya tva.N sakhyamAvitha .. 108       taM gUrdhayA svarNaraM devAso devamaratiM dadhanvire .      devatrA havyamUhiShe .. 109     mA no hR^iNIthA atithiM vasuragniH puruprashasta eshaH .       yaH suhotA svadhvaraH .. 110      bhadro no agnirAhuto bhadrA rAtiH subhaga bhadro adhvaraH .     bhadrA uta prashastayaH .. 111      yajiShThaM tvA vavR^imahe devaM devatrA hotAramamartyam .       asya yaj~nasya sukratum .. 112     tadagne dyumnamA bhara yatsAsAhA sadane kaM chidatriNam   manyuM janasya dUDhyam .. 113 yadvA u vishpatiH shitaH suprIto manuSho vishe .      vishvedagniH prati rakShA.Nsi sedhati .. 114        .. ityAgneya parvaM kANDam .. 

1 comment:

  1. Hi Wayne, I'm so surprised to see this here and find it wonderful that you are learning, preserving, sharing the Agni Mantras. I think this means you have learned Sanskrit. I've become enamored of Hinduism. Have you visited India? I loved it there when I was travelling visiting friends and my teacher's ashram in Haridwar.

    ReplyDelete